الرئيسية
أحدث الصور
من طرف مانـي بهمـازٍ ولانــي بلـمـاز
كل الخطا ما يـرث إلا الحسايـف
نفسي ما اكلفهـا ولانـي بمعتـاز
للي بدا من عشرتـه خلاني هايـف
أحتاج عشرة طيب الذكـر معنـاز
يشيـل ثقـل حمولهـا والخفايـف
حتى ولو خون بعض حظ ماجـاز
أرجي قضاها مقبلـة كـل طايـف
وأنا مع اللي ذكرها بالطيب منحـاز
ورجلي ما أسندها دروب السفايف
ذا وقت فيه الرجـل يبرى وينـراز
إما سقـط والا بـروس النوايـف
وش يفرق الشاهين والحر والباز
الـهـد واحــد والـطـلايـع صــنـايـف
هني من هو بأجمل إخصالها فـاز
فاز وكسبها والمكاسـب صرايـف
حمامتي غني ترى الصوت هـزاز
للـي خفوقـه مولعـن بالولايـف
بتبع هواي اللـي ملكتـه وباجتـاز
حـدٍ وراه حـدود والبـال كايـف
بجلي وأنا نـايـف ولي رمح ماهـاز
إلا وسقته في نحـر كـل عايـف
لي في ربوع الأرض رايه ومركاز
ولاهي بمغشوشه ولاهـو بزايـف
نــايــف تـــرى مـن بـعـدك للـحـب عـايـف
