الرئيسية
أحدث الصور
من طرف ياويل قلبي كل مااشتقت للقياها
وشلون ماتشتاق عيني لعينها
أنا أدري إني حيل أحبها وأهواها
وأنا أدري إن القلب صار بيدينها
أموت أنا بها في غيابها وأحياها
وشلون أجل لو صافحتني يمينها
حاولت أنا اكتم عبرتي يوم فرقاها
وألملم جروح الزمان الطعينه:
واعطيها من قلب المعنّى معاناه
وآخذ من جروحها ولو هي دفينه
وأضيع بها في زحمة الناس وأنساها
وأنسى معها ذكرى السنين وحنينه
لقيت نفسي كل ما حل طرياها
عروق قلبي كلها تقول وينها
ما كل من يضحك سعيد بدنياه
وما كل من يبكي دموعه حزينه
أحدن بكى .. والكل يدري عن بكاه
وحدن مع الضحكه تحس بونينه
ياشين فرقى الحب وياشين بلواه
والمشكلة دنيا بلا حب .. شينه
والزين ما يكمل ولو كان ما حلاه
إلا حبيبتي ماتغيّر بزينها
ماجيت أسولف عن حلاها ومزاياها
يكفي أحاسيسي وقلبي عارفينها
كن الفضا في غيبتها ضاق مسعاه
وكني غريقٍ ينتظر لها سفينه
شف دنيتي ياصاحبي عقب فرقاها
مثل الظلام اللي حصل بالمدينة
باكتبها أنا في صفحة الشعر واقراها
وباذبحها بزود الغلا دون سكينة
وبارسمَها في لوحة الشعر وانعاها
وبادفنَها بين الضلوع الحنينه
بوسط الحشا في داخل الصدر مثواها
إما يسار القلب وإلا يمينه
