الرئيسية
أحدث الصور
من طرف أنـــــا عزيز النفــــــــس
//
\\
وش مقصدك كلـه ثقـل أو تغلـي ،،، يومك تواعدني وتنسـى المواعيـد
كانك علـى اللـي تفعلـه مسفهلـي ،،، تراي ماني لعبـةٍ فـي يـد وليـد
خلـك معـي واضـح وبالله قلـي ،،، حتى أحدد موقفي يـا اتلـع الجيـد
أما اكمل المشوار واعـرف محلـي ،،، والا اقطعه واصيرعن دربك بعيـد
أنا عزيز النفس ما أرضـى بذلـي ،،، دور على غيري وخلك لهـم سيـد
ما اطرد وراء المقفي وذي عادة لي ،،، كرامتي أعـز عنـدي مـن الغيـد
اللـي يبينـي أحتفـل بـه واهلـي ،،، ومن يطلب الفرقى عسى دربه سعيد
ومن لا يبينـي قلـت خلـه يولـي ،،، اللي مثـل هـذا فراقـه لنـا عيـد
و لا تحسب أني ميـتٍ فيـك كلـي ،،، والا من اللي كل يـوم ولـه صيـد
قصده مع الخفـرات بـس التسلـي ،،، يعجز يحدد موقـف القلـب تحديـد
لقيت لك يوم النواعـس شكـن لـي ،،، تقول ما ترتاح مـع زيـد وعبيـد
واريد فزعة منك حقـق منـىٍ لـي ،،، ضاقت بي الدنيا وأنا ولد أجاويـد
وسعيت في المطلوب من دون كلـي ،،، ولقيت مطلوبك ، وابي منك تأكيـد
أما تقـول أوكيـه أو قـل بحلـي ،،، حتى تطيب النفس قل لي وش تريد ؟
